Pamjet e takimit Putin-Shoigu, shtojnë zërat se gjendja shëndetësore e presidentit rus është shumë e rëndë

14:07 | 22 Prill 2022
Lorik Gerbeshi

Ish-këshilltari i qeverisë ruse dhe njëherit ekonomisti i njohur suedez Anders Asluind, ka thënë se videoja e bisedës mes presidentit rus Vladimir Putin dhe ministrit të Mbrojtjes, Sergei Shoigu, tregon se Putin është i sëmurë rëndë dhe në depresion.

Pas publikimit të pamjeve nga takimi i mbrëmshëm ku shihet Putin duke mbajtur fort tavolinën derisa bisedon me ministrin e Mbrojtjes për situatën në Mariupol, në rrjetet sociale ka filluar të shtohen zërat se gjendja e tij shëndetësorë është rënduar mjaft.

Shumë po konsiderojnë se Putin gjatë takimit ka qëndruar i ulur në një formë të përkulur në karrige – e tërë kohën mbante fort tavolinën me dorën e djathtë. E kjo nxiti debat për gjendjen e tij mentale.

Njerëzit po konsiderojnë se gjendja e tij shëndetësore është përkeqësuar, që kur filloi pushtimi rus në Ukrainë gjatë 24 shkurtit.

Anders Aslund, pretendon se që të dy rusët – pra Putini dhe Shoigu janë depresion dhe gjendja e tyre shëndetësore është shumë e rëndë.

“Shoigu duhet t’ia lexoj komentet Putinit dhe vështirë flet, që tregon se ai mund të ketë pasur sulm në zemër”, shtoi suedezi.

Shpërndaje në rrjete sociale

Lajmet më të lexuara

Të ngjashme

Foto lajm